عرض قوي و مميز من شركة CBB Mobil على احدث موبايل من شركة Huawei | Mate 9 Pro

11:13 م
add
عرض قوي و مميز من شركة CBB Mobil على احدث موبايل من شركة Huawei | Mate 9 Pro

مرحبا اصدقائي

شركة الموبايلات CBB مقدمة عرض قوي على
 موبايل Huawei Mate 9 Pro.
العرض قوي لان اقل سعر للجهاز حاليا بمحلات الالكترونيات العادية 5487
و سعره بشركات الموبايلات بحيث بتشتري الجهاز مع اشتراك لمدة 6 اشهر بين 4500 لل 5500






اما شركة CBB مقدمة الجهاز بسعر كتير حلو و هو 2999 كرون مع رسوم الشحن ... و لتحصل على هاد السعر لازم تشترك عندن لمدة 6 اشهر .. اشتراك 149 كرون بالشهر ... بتحصل فين على
 10 ساعات + 40 جيجا انترنت + خدمة التجوال بأوروبا


الشركة بتقدم امكانية الشراء بالتقسيط حتى لاصحاب الاقامات المؤقتة في الدنمارك.

اذا حابين تطلعوا على تفاصيل العرض كاملة و تشتروا الجهاز:

Mate 9 Pro | CBB Mobil




و مع انو الاشتراك يعتبر غالي شوي بس بعد ما نحسب سعر الموبايل مع الاشتراك لمدة 6 اشهر بيطلع المبلغ 3943 كرون
يعني بضل ارخص من السوق و من شركات الموبايلات بمنيح.

اصدقائي نصيحة مني ... يلي حابب يشتري موبايل جديد بمواصفات و جودة عالية و بنظام اندرويد لا يتردد ابدا بشراء Mate 9 Pro ... بأختصار موبايل بموصفات عالية و بسعر رخيص جدا .. و اثبتت شركة هواوي بأخر 3 سنين انها شركة منافسة وبقوة للشركات العملاقة بسوق الموبايلات و اصبحت 3 شركة بالتصنيف العالمي بالمبيعات.. بعد Apple و Samsung.




اذا بدي احكي عن مواصفاتو ما بخلص بس رح اتركلكن رابط عن مواصفاتو اخر المقال.. بس بشكل عام الموبايل سريع جدا لدرجة كبيرة بحيث بعد التجارب لحد الان هو من اسرع الموبايلات يلي بتشتغل بنظام اندرويد... و سرعتو قريبة جدا من سرعة ايفون 7 بلس .. مع العلم انو نظام اندرويد بكون اثقل على الجهاز.
طبعا الجهاز بيفتح على بصمة اليد.
سعة الجهاز 128 جيجا و 6 جيجا رام.. مع شاشة 5.5 انش بدقة عالية جدا.. يعمل على نظام اندرويد 7 مع امكانية التحديث لاندرويد اوريو 8



اما من حيث الكاميرا فربح الجهاز جائزة افضل كاميرا موجودة بجهاز محمول بالعالم لعام 2017 ... و هو من اوائل الموبايلات يلي فيه كامرتين من الخلف و كاميرا من الامام... الكاميرا هيي من صناعة شركة الكاميرا الالمانية الشهيرة LEICA .. تصور فيديو بدقة 4k .. الكاميرتين الخلفيات بدقة 20 ميجا + 12 ميجا



الكاميرا الامامية 12 ميجا

و فيي كمان ميزة كتير حلوة و هيي نظام الشحن السريع جدا ..
و في كتير مواصفات و ميزات
اذا حابين تتعرفوا اكتر على الجهاز فيكن تشوفوا الفيديو التالي:


و هلء بتركم مع مواصفات الجهاز الكاملة من موقع الشركة الرسمي:

Mate 9 Pro


add

شارك الموضوع

مواضيع ذات صلة